Schottland

Pfund Sterling, £, GBP mit eigene schottische Note vo de Bank of Scotland, Royal Bank of Scotland (beidi Edinburgh) und Clydesdale Bank (Glasgow); Münze sind glich wie in England

Unabhängigkeit

843

Nationalhymne

Schottland het kei offizielli Nationalhymne. Inoffiziell wird aber Flowers of Scotland und Scotland the brave als Nationalhymne verwendet.

Ziitzone

UTC +0, Sommerziit: UTC +1

Schottland isch es Land im Nordweste vo Europa und isch de nördlichschti Landesteil vom Vereinigte Königrich vo Grossbritannie. Schottland grenzt im Süde a England, suscht isches vom Meer umgäh. Im Weste und im Norde hets no diversi Insle.Insgesammt het Schottlnd über 790 Insle. D Hauptstadt vo Schottland isch Edinburgh.

Gschicht

10000 v.Chr. - 4000 v.Chr. Erschti Zuewanderer überd Landbrugg vom Europäische Feschtland und de Brittische Insle.
6000 v.Chr. Di erschtä archäologischä Hiiwiis uf mänschlichi Sidlige.
82-208 Römer sind meermals id Regione imarschiert, aber hend sich nie chöne duurhafti Herrschaft errichte. Vo 122 bis 128 isch de Hadrianswall zur endgültig Nordgränze vo Römisch-Britanniä errichtet worde.
503 Us Irland sind d Skotä und Keltä ade Westchüste vo Schottland glandet.
843 De Kenneth MacAlpin het d Skotä und d [Pikten|Piktä]] zunere Nation vereint. D Monarchi het bis zum Ändi vo de Regäntschaft vom Macbeth im Jaar 1057 duured.
1057 Malcom III. het de Macbeth tötet und isch König worde. Unter sinere Herrschaft het sich de Englischi Iifluss verstärcht.
1296 Annexoin vo Schottland dur de englischi König Eduard I.
1297 Schlacht vo Stirling. De William Wallace het mit sinä Ahänger di englische Truppe besigt.
1314 Schlacht vo Bannockburn, wo d Schottä under de Füerig vo Robert the Bruce d Englender, wo under de Füerig vo Eduart II. gsi sind, besiegt.
1320 D Erklärig vo Arbroath isch agsetzt worde. Si hätt de Papst dezue bringe sölle, d Unabhängigkeit vo de Schotte vo England azerkenne.
1603 de Jakob VI. vo Schottland isch König Jakob I. vo England worde.
1692 Bim Massaker vo Glencoe sind Mitglider vom Clan MacDonald uf Aordnig vo de englisch Regierig inere Strafaktion ermordet worde. 78 Clanmitglider sind umbracht wordeoder im Februarschneesturm erfrore.
1707 Vereinigungsgsetz: Schottland isch formal mit England zum Königrich Grossbritannie vereinigt worde.
1746 Schlacht bei Culloden: De Letschti schottischi Uufschtand, unter de Füerig vom Prinz Charles Edward Stewart, isch bluetig nidergschlage worde.
ab 1780 Beginn vo de Vertriibig vo Chlipuure, zum Platz fürd Schaffzucht z schaffe.
1820 D industriell Revolution isch in Schottland itroffe. Schiffsbau, Cholebergbau, Ise und Stalhüttä ersetzt d Textilwirschaft als Schottlands Hauptindustri.
1975 Vo de Nordsee isch s erschte Öl a Land pumpt worde.
1997 Di schottisch Bevölkerig het mit grosse Mehrheit für es eignigs Parlament mit begrenzte Kompetänze innerhalb em Vereinigte Königriich zuegstumme.
1999 Es isch es neus schottischs Parlament für inneschottischi Aglegeheite isch gwählt worde.

Geografi

Schottland isch s nördlichste Drittel vo de gröschte Insle vo Grossbritannie. Schottland wird i drü Teil underteilt, id Highlands, d Central Lowlands und d Southern Uplands. De höchsti Berg vo Schottland isch de Ben Nevis, wo glichzitig au de gröschti Berg vo Grossbritannie isch.

D Highlands sind ganz im Norde vo Schottland. S Markezeiche vo de Highlands isch die hügelig Landschaft.

Im Weste vo Schottland ligged d Hebride, weli id üssere- und innere Hebride underteilt sind. Im Norde liget d Orkney Insle und no wiiter entfernt liget d Shetland insle

De gröschti See isch s Loch Lomond, er liit nordwestlich vo Glasgow. Er isch en Teil vom Trossachs Nationalpark, de gröscht und de eltischt Nationalpark in Schottland. De tüfschti See isch s Loch Ness, wo glichzitig au die gröscht Wassermengi bsitzt.

Klima

Schottland het es gmässigts Klima. Dur de Golfstrom wird d Temperatur stark beiflusst. Allgemein isches im Weste wärmer als im Oste. Im Summer isch es öppä 18°C. Im Winter wirds normalerwis nöd under 0°C wobie au das a gwüssne Ort chan vorcho. Es schneit erscht ab ere gwüsse Höchi. Es git au Ortschafte wo mer im Winter chan Schiifahre, wobie das nöd grad die populärscht Sportart isch.

Bevölkerig

D Vorfahre vo de Schotte sind Skoten, Pikten, Briten, Angelsachsen und Skandinaviern. Mer seit das d Schotte gizig sind, was aber meistens nöd de Fall isch. Sie sind sehr groszügig und gastfründlich.

Sprach/Dichtig

In Schottland wird vorallem Englisch und Lowland Scots gredet es git aber au no s Schottisch-Gälische. Gälisch wird eigentlich nur no uf de Hebride gredet.
Dr Robert Burns (1759 - 1746) het in ere Sproch dichtet, wu viilmol noch am Dialäkt vum Bezirk Ayrshire gsii isch; dr isch mit sinene Liäder un Gedichter zu Wältruem kumme.

Kultur

D Kultur vo de verschidene drü Teil vo Schottland isch zum Teil unterschiedlich, will sie vo de Nachbere (vorallem England) stark beiflusst wird. Ide Highlands isch di typischi schottischi Kultur am stärchschte usprägt. Die bekanntischte Merkmal vo de schottische Kultur sind de Dudelsack, de Kilt, und de Whisky.

Chleidig

De Kilt, oder Schotterock, isch es Chleidigsschtuck für Manne. Früener het er d Clanzueghörigkeit symbolisiert. Jede Clan het sis eigene Muster mit ihrne Farbe kha. Hüt jedoch wirds nüme zur Identifizierig brucht, sondern isch eifach es bequäms, traditionells und beliebts Chleidigsschtuck. De Kilt chunt ursprünglich vo de Kelte.

Musig

De Dudelsack isch ds traditionelle schottische Inschtrument. Pipes and Drums (Dudelsäck und Trummele) sind d Inschtrument för di traditionelli Musig, wo bi villne Aläss gspilt wird. De Dudelsack isch e Sackpfife mit emene Rohr wo mer d Luft ineblast und vier Pfiife wo d Luft wider use chunt. Drü vo dene spiled immer de glichi Ton, di ander wird ähnlich wie en Blockflöte gspilt. De Sack wird unter de Arm klemmt und mit de druf usgüebte Chraft chamer di ustrettendi Luft reguliere und kontroliere.

Es git verschidnigi Bands wo traditionelli Schottemusig mit Rock / Pop vermisched. Es Bispil sind The Real Mckenzies. Sie kombiniered Dudelsack mit Schlagzüg und andere Instrument.

Whisky

Es git zwei Arte vo Whisky. De Single Malt isch en Whisky wo ide gliiche Brauerei glageret worde isch wiener hergstellt worde isch. De Vatted isch en Mischig vo Malt-Whiskys us verschiedene Brauereie. De sogenannt Scotch Whisky isch eine vo de Bekanntischte überhaubt.

Highlandgames

In Schottland gits jedes Jahr vo Mai bis Oktober di sogenante Highlandgames. Bi de Highlandgames gohts vorallem um de sportlichi Wettkampf, d Diszipline sind recht eigenartig, so zum Bischpil s Baumschtammwerfe, Ägscht werfe oder Seilzieh. Die Highlandgames werded mit traditioneller Musig begleitet. Es git au Musig- und Tanzwettkämpf.

Sport

Z Schottland werded zwei Sportarte bsunders viel gspielt. Erstens Fuessball und zeitens Rugby. In Schottland dominiered zwei Fuessballklüb d Liga. D Celtic Glasgow und d Glasgow Rangers. Di zwei Mannschafte mached au immer de Meisterschaftstitel unter sich us. Zu sportliche Aläss wird als Hymne meistens Flower of Scotland gspielt.

Religion

Fascht d Helfti vo de Schotte ghöred zu de Church of Scotland, de Nationalchile vo Schottland. Sie isch en reformierti Chile. 28% vo de Schotte bekänned sich zu keim Glaube, de Reste sind römisch-katholisch oder anderi Christe. Öppä 2% ghöred amene andere Glaube ah, wie z.B. em Islam oder em Buddhismus.

Vun "http://als.wikipedia.org/wiki/Schottland"

Kategorie: Grossbritannie un Nordirland | Region

More about Schottland: reiseführer schottland, landkarte schottland, hearts highland in schottland volkslied well, gruppenreise schottland, klassenfahrt schottland, schottland reisen, aus fotografie revision schottland zeitgenossische,

This article is from Wikipedia. All text is available under the terms of the GNU Free Documentation License.