OpenOffice.org

Article on other languages:

OpenOffice.org

openoffice.org writer uf Linux
Basisdate
Entwickler: OpenOffice.org
Aktuelli Version:  ()
Stabilversion: {{{Stabilversion}}}
Vorabversion: {{{Vorabversion}}}
Betribssystem: Microsoft Windows, Linux, Mac OS X, Solaris, FreeBSD und andri Unix-Varianten
Kategori: Büro-Paket
Lizenz: LGPL
Dütschsprochig: ja
Alemannisch: nei
Website: OpenOffice.org (dytsch)

OpenOffice.org oder nur OO.org isch e freyi Zämestellig vu Büroprogrämm, wo us sinem kommerziellem Brueder StarOffice entstande isch. Sini erscht Version isch am 1. Mai 2002 ussecho, momentan die neuscht Version vu OpenOffice.org hett d'Versionsnummer 2.3.1.

StarOffice isch vu dr ditsche Firma Star Division us Hamburg as StarWriter entwicklet worre. Au nooch em Ufkauf durch Sun Microsystems isch Hamburg e Zentrum fier d'Entwicklig vu StarOffice/OpenOffice blibe, au wenn sither im Silicon Valley un in China witeri Zentre entstande sin.


Derivate

Lotus Symphony vu IBM un NeoOffice fier MacIntosh-Betribssysteme baue, wie au die kommerziell Version Star Office vu Sun Microsystems, uf OpenOffice uf.

Progrämm

D'Zämestellig bestaht us verschidene Progrämm, wo zum Teil am Konkurrent Microsoft Office ähnle.

Writer

Dr Writer isch es vollwertigs Textbearbeitigsprogramm, zum Erstelle vu Brief, Dokument, Visitechartene oder grössere Sache wie Büecher. Es hät e Rechtschriibprüefigsfunktion, Silbetrennig und e Teamfunktion. In'd Dokument chame Tabelle, Grafike, Spaltene und Weblinks ihfüege. Es existiert e WYSIWYG-Funktion, so dass me via Chnopf-Drugg en beliebige Text fett/kursiv oder farbig mache chan. D'Dokument chame ins PDF-Format oder ins HTML-Format umwandle. Dr Writer chan au .doc-Dateie öffne, wo'me mit'm Microsoft Word erstellt hett.

Calc

Ds Calc isch es Tabellekalkulationsprogramm, mit dem me Text und Zahle analysiere, verarbeite und darstelle chan. In Calc ihbaut sind über 450 Funktione, mit dene me verschideni Tätigkeite mache chan, zum Bispiil verarbeite, rechne, darstelle (Datum und Zyt). D'einzeli Zellene chame formatiere, sperre oder verstegge. In Calc intigriert isch es Diagramm-Programm, mit dem me us mehrerne Zahle es Diagramm erstelle chan.

Impress

Mit'm Impress chame Präsentatione erstelle, um en Vortrag oder es Referat dur visuelli Informatione z'erwytere. Me chan mit Impress mehreri sogenannti Folie erstelle, die mit Text, Grafike und Tabelle illustriere und per Chnopf-Drugg zwüschet de Folie wechsle.

Base

Base, s'Datebank-Modul, isch in dr alde StarOffice-Versione noch debi gsi, aber het in dr erschte Versione vu OpenOffice gfählt, isch aber sit Version 2.0 wiider debi. Dr Kauf vu dr schwedische Softwarefirma MySQL AB durch Sun wird Base as Frontend fier MySQL-Datebanke witter ufwerte, wil jetz MySQL besser mit Base verzahnt werre sott.

Math

Math isch dr mathematisch Formeleditor vu OpenOffice/StarOffice. Er fählt in dr IBM-Version Lotus Symphony, wo derzit auch noch uf OpenOffice 1 ufbaut.

Dateiformate

OpenOffice.Org un si kommerzielli Variante StarOffice beherrsche dur Filter die proprietäre Microsoft-Formate wie .doc, .xls oder .pps, verwende aber standardmässig ihr eiges XML-Format (.odt, odc), wo inzwische e vu dr ISO zertifizierte Standard isch, während des die alde Microsoft-Formate .doc, .xls un .pps trotz ihrer Verbreitig nit sin. Microsoft het si nöis Format OpenXML inzwische aber au zu ere Standardisierig bi dr ISO igreicht. Sälle Standardisierigsprozess verlauft aber derzit eweng schleppend. Gege d'ISO-Empfählig, au s'Microsoft-Format zu eme Standard z'mache, hän mehreri Staate Ispruch iglegt.

Lokalisierige

OpenOffice.Org isch as e quelltextoffes Programm prinzipiell in jedere Sproch lokalisierbar. An e alemannischi Version het sich aber bisher no niemed traut. Microsoft het degege si Office uf Elsässisch lokalisiert. Während aber die elsässisch Lokalisierig vu MS-Office numme uf eme französische MS-Office lauft, isch es bi OpenOffice.Org ohni Problem mögli, so viil Lokalisierige z'installiere, wie mer will, wil s'Programm sufer in e sprochabhängige un e sprochunabhängige Deil trennt isch.


Webgleicher

Commons
 Commons: OpenOffice.org – Witeri Mulitimediadateie zum Artikel
Vun "http://als.wikipedia.org/wiki/OpenOffice.org"

More about OpenOffice.org: 2 firefox in one openoffice.org sams sams teach teach thunderbird window yourself yourself, click openoffice.org point, dummy openoffice.org, openoffice.org writer, 2.0 conceptual edition guide openoffice.org standard, learn macro openoffice.org programming spreadsheet, openoffice.org 1.0 resource kit, openoffice.org practical, mailto openoffice.org,

This article is from Wikipedia. All text is available under the terms of the GNU Free Documentation License.